Dende o PSOE de Antas de Ulla trasladamos varias
preguntas ao Parlamento galego para que a Xunta explique os motivos da demora
de máis de 3 anos nas obras de ampliación da residencia de maiores. Os
socialistas esiximos ao Alcalde, Javier Varela, que poña en marcha “de xeito
inmediato” estas actuacións, posto que asegurou que en setembro quedarían
desbloqueadas.
A nosa voceira municipal do PSOE, Pilar García
Porto, explicou que estes traballos se enmarcan nun convenio entre o Ministerio
de Agricultura e a Xunta de Galicia, publicado no BOE do 11 de xuño de 2012,
mediante o cal estaba previsto conceder 2.817.200 euros ao Concello de Antas de
Ulla para a ampliación da residencia de maiores, así como outros 600.0000 euros
para melloras en traídas de auga municipais. Dende entón, este orzamento
superior aos 3,4 millóns de euros nunca se chegou a ingresar nas contas do
Concello e as obras non se levaron a cabo.
As preguntas que os socialistas agardan a
que responda o Goberno autonómico na Cámara galega son as seguintes: 1. Cal é motivo
para non acollerse a este modelo que tiña unha cofinanciación estatal e polo
tanto desaproveitar eses recursos? ; 2.- Non considera a Xunta de
Galicia estas actuacións necesarias e por iso non se desenvolveu dito convenio?;
3.- A que foron dedicados os fondos previstos en dito convenio e que non
foron executados?; 4.- Cales delas se realizaron o amparo deste
convenio?; 5.- Cales se deixaron de executar?; 6.- Realizouse
algunha actuación buscando outra fórmula
distinta da conveniada co Ministerio de Agricultura?; 6.- Cal é motivo
para non acollerse a este modelo que tiña unha cofinanciación estatal e polo
tanto desaproveitar eses recursos?; 7.- A que foron dedicados os fondos
previstos en dito convenio e que non foron executados?.
Papel do Concello
Á espera de coñecer a responsabilidade desta demora de máis de 3 anos
por parte da Xunta de Galicia, García Porto salientou que “o Goberno local do
PP é complice do bloqueo a este proxecto en impulso do emprego e do benestar
social, posto que o Alcalde foi incapaz de sacar adiante o PXOM, imprescindible
para a execución destes traballos”.
Tendo en conta este bloqueo de máis de 3
anos por parte de Varela, no Pleno Extraordinario Municipal do 31 de agosto aprobouse
a delimitación do núcleo rural de Vilaboa, que permite a execución das obras de amplicación da
residencia de maiores ante a ausencia do Plan Xeral de Ordenación Municipal. Aprobado
este trámite, o propio Goberno local do PP asegurou que en setembro estaría
todo listo para a posta en marcha destes traballos.
“Polo tanto, rematadas as escusas do
Goberno local, os socialistas esiximos a Varela que inicie de xeito inmediato
estas obras, que levan anos prometendo”, reclamou García Porto. E é que dende
2013, o Alcalde inclúe estes traballos no Orzamento de Antas de Ulla a pesares
de non contar co presuposto do Ministerio de Agricultura e da Xunta de Galicia.
“Varela leva anos inflando as contas municipais e enganando aos veciños”,
sinalou a voceira.
ENLACES ÁS NOVAS PUBLICADAS NOS XORNAIS:
No hay comentarios:
Publicar un comentario