DENDE O PSOE DE ANTAS RECLAMAMOS ACTUACIÓNS INMEDIATAS NAS TRAÍDAS DE AUGA MUNICIPAIS.

Os concelleiros do PSdeG-PSOE denunciamos o mal estado dos tanques de auga no Monte Farelo.

O grupo socialista reclama melloras urxentes na traída de auga de Olveda.

Antas de Ulla, 19 de agosto de 2012. Durante a fin de semana os concelleiros socialistas de Antas visitamos distintas instalacións destinadas ó abastecemento de auga potable á poboación deste concello. Nesta ocasión, ó igual que aconteceu o ano pasado atopámonos cun tanque no Monte Farelo, próximo os petroglifos que alí se atopan nunha situación totalmente precaria e se cabe irregular, e así o relatamos “ a porta de entrada estaba aberta, calquera pode acceder ó interior do tanque, tanto persoas como animais”,  “ ademais toda a instalación se atopa nunha lamentable situación de abandono, os materiais están moi deteriorados e oxidados e o clorador que alí hai está desinstalado”, hai que decir que “ isto é un perigo para todos porque se  pode producir un accidente no interior das instalacións xa que calquera pode entrar libremente e sufrir un accidente no interior, calquera pode acceder a auga de consumo para o público, poden caer animais no interior”, cabe sinalar que nos parece unha locura arriesgar así a seguridade e saúde dos veciños de Antas”,  “ ademais todo indica que se trasvasa auga do tanque de incendios da Xunta de Galicia para o consumo porque hai unha tubería que os comunica e días atrás no lugar estaba traballando unha bomba, igual que o ano pasado para enviar auga dun tanque a outro sen ningún tipo de control hixiénico ou sanitario”.

Por este motivo solicitaremos no concello as análises de auga obrigatorias e os controis periódicos pertinentes que o concello ten a obriga de realizar ó non ter concedido a ningunha empresa externa a xestión deste servizo.

Unha fin de semana sen auga

De todos é sabido o mal funcionamento das traídas públicas do concello de Antas, dende o casco urbán ata as aldeas teñen problemas co suministro de auga. Numerosas situacións así o revelan, din  os concelleiros socialistas que ” por exemplo en Santa Mariña a pesar de existir traída pública a inmensa maioría dos veciños utiliza a que é privada e de propiedade veciñal, no núcleo de Antas moitas foron as ocasións nas que o abastecemento de auga foi insuficiente durante a época estival. Esto mesmo é o que acontece ano tras ano en Olveda cando chega o verán, a veciñanza queda sen o servizo de auga da traída precisamente cando máis falla fai, cando mais poboación hai na parroquia, case chega a duplicarse o número de veciños, cando hai máis necesidade de ducharse polo traballo no agro e as altas temperaturas etc...”, “ ademáis na zona deOlveda hai importantes explotacións de gando e tamén industrias transformadoras do leite, como son as queixerías que ademais de darlle de beber ó gando teñen que utilizar auga no proceso produtivo”, puntualizan “ esta fin de semana nesta parroquia quedaron sen auga coas dificultades que isto  acarrea  para todos os veciños, esto no é unha novedade pasa tódolos anos, e por parte do concello non se da ningunha solución ó mal estado da zona de captación de auga nin ós desperfectos das conduccións, nin sequera temos constancia de que o alcalde ou algunha outra persoa do equipo de goberno se presentara alí onda ós veciños para interesarse pola situación”.

"Parécenos unha tomadura de pelo que dende o concello se cobren os recibos da auga atrasados por unha mala xesión municipal dende o ano 2008, e que non se de un servizo mínimo. E decimos tomadura de pelo porque hai veciños que pagaron cantidades moi elevadas nalgúns casos arredor de 600 euros, sen que dende o concello se realicen as lecturas periódicas e os cobros no plazo correspondente para que así a veciñanza poda levar un maior control do seu consumo e presentar reclamacións en caso de erro”.

LAMENTAMOS QUE O ALCALDE MENTIRA CO ANUNCIO DUN PLAN DE MANTEMENTO DAS CARRETERAS MUNICIPAIS.

Creemos que foi un farol do edil popular e desconfiamos  que o concello non teña os cartos anunciados para realizar as inversións necesarias para recuperar as carreteras municipais.

Antas de Ulla 17 de agosto de 2012. As vías de titularidade municipal do Concello de Antas de Ulla levan máis dunha década sen que nelas se realicen as imprescindibles labores de mantemento e conservación. Motivo este polo que se ven seriamente deterioradas e representan un perigo constante de sofrir  accidentes  ó circular por elas, máximo nesta tempada estival na que acoden a á vila e ás aldeas numerosos visitantes  que descoñecen os puntos máis conflitivos para a circulación.

Os socilaistas queremos aclarar que “o Concello de Antas de Ulla conta con 28 parroquias formadas en moitos casos por máis dun núcleo de poboación. Estes lugares están comunicados entre sí por estradas de titularidade municipal e de titularidade provincial, e mesmo algunhas pola estrada nacional N-640, sendo a máis extensa das tres a rede municipal”, e engaden “os veciños dos núcleos rurais vense obrigados, na maioría dos casos, a utilizar as estradas do concello para circular cos seus vehículos, tanto a hora de realizar os habituais traballos agrícolas e gandeiros como os forestais ou mesmo para acceder os servizos que se ofrecen na vila de Antas de Ulla”.

Os concelleiros do grupo socialistas explicamos que “a circulación polas vías de titularidade municipal vese seriamente prexudicada polo lamentable estado de abandono e deterioro que sofren as mesmas. Por todos é sabido que estas vías levan máis dunha década sen que nelas se leve a cabo un plan de conservación axeitado tal e como recoñecía o alcalde publicamente nos medios de comunicación hai aproximadamente 2 meses. Xa non se atopan simplemente “baches” orixinados recentemente senón que a situación vai máis aló, en moitos puntos a situación resulta tan delicada que o trazado da vía desapareceu por completo, noutros lugares o deterioro é tan evidente que os vehículos teñen que desprazarse do trazado normal, mesmo chegando a invadir o carril contrario, co conseguinte perigo de sufrir un accidente, saírse da vía ou provocar desperfectos no vehículo. Esto non é unha novedade por eso dende o PSdeG-PSOE solicitamos xa en varias ocasións que se elaborase un plan de actuación para resolver esta lamentable e perigosa situación para os veciños e para os usuarios en xeral destas estradas”.

Ademáis lamentamos que “na primavera do ano 2011, e coincidindo coa precampaña e campaña electoral municipal, o concello acelerou as actuacións pero dada a celeridade e falta de orde e seriedade con que se realizaron os traballos, os resultados foron practicamente nulos, a pesar do esforzo levado a cabo polos traballadores. O feito de facer remendos cun único e claro fin electoralista, sen empregar os materiais axeitados, en cada caso, xa que por exemplo moitas veces só se vertían unas paladas de grava ou zahorra soltas sen produto bituminoso que as emulsionara, trouxo como resultado que a día de hoxe o firme se atope en igual ou peor situación que hai un ano”.

Despois de que o alcalde de Antas de Ulla anunciara na prensa a súa vontade de destinar 200.000 euros ó que se detallaba como un plan de conservación destas estradas, das que o concello é o único responsable no que se refire a mantemento e conservación, anuncio no que se detallaban incluso as vías nas que se ían realizar as actuacións, mesmo se dicía que se comenzaría pola carretera que da acceso ó núcleo de Barreiro”.

Dende dito anuncio xa  transcorreron dous meses sen que se comenzara a realizarse ningún tipo de traballo, e valoran ademais que os traballos a executar precisan dun período de tempo extenso, dada a situación de deterioro dos pavimentos e a extensión das zonas afectadas. E engaden que é preciso  ter en conta tamén que xa atravesamos o ecuador do mes de agosto e estas labores se dificultan coa chegada do frío e a chuvia.

Ante esta falta de compromiso e seriedade por parte do alcalde os socialistas mesmo opinan que “probablemente o concello non conte cos cartos para facer a inversión anunciada por valor de 200.000 euros, xa que de contar con estes fondos e despois de recoñecer por parte da alcaldía a grave situación na que se atopan as vías municipais non ten sentido permanecer sen realizar as actuacións”.

Ante esta situación e as permanentes queixas dos veciños que xa lle fixeron chegar ó alcalde por escrito en máis dunha ocasión, dende  o Partido Socialista de Antas de Ulla prantexamos ó Pleno Municipal unha moción co seguinte acordo:

-       A realización das obras comprometidas publicamente polo Alcalde por importe de 200.000 euros para a reparación das vías rurais de titularidade municipal polas que é practicamente imposible transitar.

Os socialistas de Antas propoñen melloras nas instalacións deportivas e o uso diferenciado das piscinas municipais

Dende o  Grupo Municipal do PSdeG-PSOE criticamos o mal estado dunhas instalacións que poderían ser de primeiro orde.

Os concelleiros ven como imprescindibles algunhas melloras urxentes e o mantemento continuo do conxunto.

Antas de Ulla, 01 de agosto de 2012. “En Antas de Ulla existen unhas instalacións deportivas que contan no seu entorno cunhas instalacións de ocio de  que poderían ser de primeiro orde se estiveran debidamente coidadas e atendidas polo Concello”, “as piscinas públicas de Antas de Ulla son un dos maiores atractivos que ofrece o noso Concello durante o verán, e sen dúbida é a zona que máis actividade rexistra, pero unha vez máis e como o Psoe ven denunciando dende fai anos as piscinas ó igual que acontece co resto das instalacións deportivas como son o pavillón polideportivo ou o campo de fútbol atópanse nunha lamentable situación de deterioro e abandono. As labores de mantemento e conservación non se realizan en todo o ano e é preocupante que só se lles adiquen 10 ou 15 días de verdadeiro traballo xusto antes da apertura ó público, tempo que por outra banda resulta insuficiente o cal demostra a situación na que se atopan”.

Afirmamos polo tanto que todos os veciños se ven afectados pola deficiente situación xa que moitos son usuarios habituais deste recurso de ocio pero ademais explican que a masiva afluencia de público de fóra do propio concello, que acceden como usuarios sen ningún tipo de control ou rexistro, dificulta a xestión e control do conxunto, “ ás veces chegan autobuses con xente, a semana pasada fomos testemuñas dun desembarco ,e nós estamos encantados de que a xente acuda a nosa vila para disfrutar o que non compartimos é a penosa imaxe que transmitimos do noso concello, unha radiografía que diagnostica a pobreza de goberno municipal que temos”, “ entendemos que o alcalde e o seu equipo, como xestores municipais que son, debería ter en conta: primeiro que se debería diferenciar o uso das instalacións deportivas do das piscinas, xa que unha cousa é acudir á zona de baño e outra utilizar indiscriminadamente toda a zona”,  “isto ó final sáenos a todos do peto, porque a maioría as persoas que veñen a pasar o seu tempo nas piscinas non para no pobo, son moi poucos os que paran nos locais de hostalería ou realizan algunha compra nos noso comercios, ademais as instalacións mantéñense con recursos que se destinan a este gasto non se poden ir para noutras cousas, cantas máis persoas, máis gasto..., ademais proxectamos unha imaxe de abandono que é a que levan do noso concello os visitantes que acuden a este espazo”. “É preciso dicir que todos os gastos ocasionados pola área recreativa recaen directamente nos petos dos cidadáns de Antas de Ulla a través dos presupostos municipais, sen que ningún visitante faga aporte económico algún, de xeito que tamén supón unha fonte de gastos para os veciños ademais da incomodidade de compartir as instalación cun numerosísimo público”.

Os socialistas propoñemos que esta zona se converta nun lugar de promoción do concello, no que se podan visualizar os recursos do concello e transmita orde, limpeza, coidados, atención....

Para iso empezamos por aclarar que as melloras fanse imprescindibles: o acceso ás instalación deportivas e de ocio das piscinas así como os elementos que as compoñen “deberían estar coidados ó máximo”, motivo este polo que criticamos abertamente “o abandono no que se atopa o polideportivo, a pesar de que se fixeron inversións, non se aprecia que se fagan labores de conservación entre outros pola sucidade que hai, polos excrementos das aves que campan por dentro as súas anchas e pola falta de hixiene nos vestiarios que utilizan os equipos de fútbol durante a tempada así como os que participan no maratón de fútbol sala.

A mala conservación xa se aprecia dende o seu exterior  pola presenza de cristais rotos, ou polo deterioro ou inexistencia de elementos deportivos como canastas, pésimo estado das gradas, isto tamén acontece no campo de fútbol o gradaría esta moi deteriorado e sucio e o campo de xogo ten o terreo e a vexetación desfeitos a pesar das enormes inversións alí realizadas”.

No entorno das piscinas aprécianse tamén graves deterioros dos diferentes elementos que as forman:

A pintura dos vasos das piscinas está en mal estado

Non existen medidas de protección de seguridade arredor dos vasos polo que as persoas realizan saltos e outras prácticas sen control, incrementándose tamén o risco de accidente por caídas.

As duchas non funcionan de xeito regular, dispoñen nalgúns casos de pouco caudal de auga e noutros non desaugan.

Os aseos públicos e os vestiarios están sucios e abandonados, e non debemos esquecer que son de uso público polo que as medidas de conservación e as hixiénico-sanitarias teñen que ser especialmente rigorosas, sobre todo tendo en conta a masiva afluencia de público das instalación.

“Ademais de realizar todas melloras precisas debería valorarse a posibilidade de diferenciar o uso das piscinas do resto de instalacións, xa que a xestión sería máis fácil, económica e eficiente que é o que ten que promover o goberno municipal"

Todo o exposto pon en evidencia mala xestión económica e dos recursos que se fai dende o equipo de goberno, que neste caso, como noutros moitos o único que fan é improvisar con actuacións non previstas e puntuais, de xeito que non se pode calcular con certeza que gastos hai que facer porque ó estar completamente abandonadas é practicamente imposible calcular os custes da posta a punto.